البيبر ديال الكونطوار، ولّا فالتيليفون
الكليان يرتاح فبلاصتو،
وBipgo يعلمو ملي توجد الكوموند.
سكانيي، دخّل رقم التيكي، وتسنى بلا صف قدام الكونطوار. ملي توجد، التيليفون كيصوني ويرجّ. بلا أجهزة وبلا تطبيق.
جرّبو بلا ما تخلص، ووقّف فاش ما بغيتي.
ثلاث خطوات، والصف كيختفي
- 1
الكاشير كيدخّل الرقم
رقم التيكي لي خرج من الكاشير، والوقت لي غادي تاخد الكوموند. جوج ضغطات.
- 2
الكليان كيسكاني
كيسكاني الكود لي فالكونطوار، كيدخّل نفس الرقم، وكيشوف شحال باقي فالتيليفون ديالو.
- 3
واجدة؟ التيليفون كيصوني
ضغطة على «واجدة» والكليان كيسمع ويحس بالتيليفون كيرنّ، حتى إلا كان بعيد على الكونطوار.
علاش Bipgo؟
بلا أجهزة بيبر
ما كاين لا شراء، لا شارجور، لا أجهزة كتضيع ولا كتطيح. التيليفون ديال الكليان ديما معاه.
الكليان عارف شحال باقي
عداد مباشر فالتيليفون، والوقت كيتبدل بوحدو ملي تزيد دقايق.
كيخدم مع أي كاشير
ما خاصك تربط والو: Bipgo كيبقى جنب البرنامج ديالك، فنفس الشاشة ولا فجهاز بوحدو.
تقييمات Google كثر
من بعد ما ياخد الكوموند، الكليان كيلقى زر يعطيك رأيو فـ Google نيشان.
علامة على كل كوموند
📱 عندو الإشعار ولا 🗣️ بلا تيليفون: الكاشير كيعرف ديريكت شكون غادي يجي بوحدو.
بالدارجة، من الأول للآخر
صفحات الكليان والكاشير بالدارجة المغربية، بسيطة وواضحة.
كيخدم فأي جهاز فيه متصفح
على نفس PC ديال الكاشير
نسخة رقيقة كتبقى فطرف الشاشة، ولا نسخة مصغّرة ديما فالقدام فوق البرنامج. بالكلافيي ولا باللمس، كيف ما بغيتي.
على تابليت ولا تيليفون
شاشة كاملة بالكوموندات لي كيتسناو ولي واجدين، كتثبّتها بحال تطبيق.
ثمن واضح، وكلشي داخل
الصيغ كتختالف غير فالمدة. كتبدا بتجربة فابور، وما كاين حتى التزام.
شهر
149 درهم
بلا التزام: كل شهر بوحدو.
3 شهور
399 درهم
كتخلص مرة فكل ثلاث شهور.
عام كامل
1490 درهم
أحسن ثمن على طول العام.
- ✓ كاع الكوموندات لي بغيتي فالنهار
- ✓ ربط شحال ما بغيتي من تابليت ولا PC
- ✓ لوحة تحكم بالإحصائيات ديال المحل
- ✓ إشعارات للكليان حتى والتيليفون فجيبو
- ✓ مساعدة بالدارجة ملي تحتاجها
أسئلة كتسوّلوها بزاف
واش الكليان خاصو يحمّل شي تطبيق؟
لا. كيسكاني الكود بالكاميرا، كيدخّل الرقم، وصافي. بلا تطبيق، بلا حساب، بلا نمرة التيليفون.
واش خاصني نبدّل برنامج الكاشير؟
لا. Bipgo ما كيتربطش بالكاشير: الموظف كيدخّل غير الرقم لي فالتيكي.
والكليان لي ما عندوش تيليفون؟
ماشي مشكل: الكوموند ديالو كتبان بعلامة «بلا تيليفون»، والكاشير كيعيّط بالرقم بحال العادة.
واش كيخدم فالآيفون؟
إيه. الصفحة كتبقي الشاشة شاعلة وكتصوني ملي توجد الكوموند. باش يوصل الإشعار حتى والشاشة مسدودة، الكليان يقدر يزيد الصفحة للشاشة الرئيسية. فالأندرويد الإشعار كيوصل ديريكت.
واش كتجمعو المعلومات ديال الكليان؟
لا. الكليان ما كيعطي لا سمية لا نمرة لا إيمايل. كنحتافظو غير برقم التيكي والوقت، وإلا شعّل الإشعارات، بالعنوان التقني ديالها حتى تسالي الكوموند.
وإلا تعطلات الكوموند؟
الكاشير كيزيد 5 دقايق ولا كيبدل الوقت بضغطة، والعداد كيتبدل عند الكليان فنفس اللحظة.
شنو خاصني باش نبدا؟
تيليفون، تابليت ولا PC فيه متصفح عند الكاشير، والكود QR مطبوع فالكونطوار. التسجيل كياخد دقيقة.
شوفو بعينيك فدقيقة
حل الديمو وجرّب بحال الكاشير وبحال الكليان، ولا هضر معانا ونوجدو ليك المحل.